Detaje të reja kanë dalë në dritë përsa i përket rrëmujës së madhe që shkaktoi ndeshja midis Interit dhe Napolit pak ditë më parë në Milano.
Përveç bilancit negativ që askush nuk e priste: 4 të plagosur dhe 1 i vdekur, ka dalë në skenë një dëshmitare okulare e cila ka dëshmuar qartë skenën që ajo ka parë.
“Il Mattino”, ka “gërmuar” edhe më shumë, derisa janë treguar edhe disa detaje të tjera tronditëse nga një dëshmitare, e cila ka preferuar që të ngelej anonim.
“Papritur kanë dalë nga të gjitha anët. Ishin rreth 60 persona, më pas u bënë 80, nëse jo 100. Një tifoz interist, që kishte një hanxhar në dorë, ka thyer xhamin e përparmë të makinës. Donin të na masakronin.
Mjetet me të cilët udhëtonin napolitanët shoqëroheshin nga një makinë policie, që është zhdukur sapo filloi rrëmuja…”- ka përfunduar ajo. Një detaj shumë i rëndësishëm ky i fundit, pasi përfshin edhe policinë.
