Bashkia e Shkodrës supozohet të zgjidhë problematikat vendore, por duket se ndodhet në emergjencë për vete.
Kështu, kjo bashki ka hapur me shpejtësi prokurimin publik me objekt kërkesë “Kontratë – marrëveshje për mirëmbajtjen e jashtëzakonshme të banjove të këtij institucioni”, me fond të akorduar 2.9 milion lekë dhe me afat ekzekutimi 28 ditë kalendarike.
Kërkesa është bërë publike në faqen e prokurimeve dhe duket se ka ardhur e nxituar pas situates skandaloze të krijuar në këto mjedise, por edhe kontrolleve që ka ndërmarrë ISHSH në të gjithë territorin.
Vetëm para pak javësh Bashkisë së Shkodrës iu mbyll në Postribë një shkollë 9-vjeçare për mospastrim të banjove, por duket se ky problem është alarmant edhe brenda godinës së bashkisë në fjalë.
Kujtojmë se ISHSH ka të drejtë në bazë të ligjit për kushtet higjieno–sanitare që të ndëshkoje me gjobë, madje mund të aplikojë edhe mbylljen nëse institucionet publike nuk përmbushin standardet e kërkuara.
Të jetë i tillë ky rast i vetë Bashkisë së Shkodrës?
