Lulzim Berisha, ish-kreu i bandës së Durrësit, pritet të mbërrijë në Shqipëri pas arrestimit të tij në Spanjë më 14 Dhjetor 2023. Ai ishte shpallur në kërkim ndërkombëtar si një person me rrezikshmëri të lartë shoqërore. Berisha akuzohet për vrasjen e Klodian Saliut dhe është një nga të arratisurit më të kërkuar nga autoritetet shqiptare, pas planifikimit dhe urdhërimit të disa vrasjeve dhe atentateve.
Në gjykatën e Spanjës, ai ka kundërshtuar ekstradimin, duke thënë se i rrezikohet jeta pas kthimit në Shqipëri, pasi ka pësuar sulme të shumta. Megjithatë, kërkesa për ekstradimin e tij u miratua dhe ai do të dërgohet në Shqipëri për të u gjykuar për disa vepra penale.
Berisha ka qenë i dënuar me burgim të përjetshëm nga Gjykata e Shkallës së Parë të Krimeve të Rënda për pesë vrasje dhe disa atentate, por një vendim i Gjykatës së Lartë i uli dënimin në 25 vjet burg. Pasi i shpëtoi burgimit të përjetshëm, ai ka kërkuar ulje dënimi përmes kërkesave të shumta, duke përfituar ulje të më shumë se dy viteve burg dhe edhe amnisti të një viti e gjysmë.
Arrestimi i Berishës është rezultat i bashkëpunimit të autoriteteve shqiptare dhe spanjolle, dhe ai është përballur me akuza të tjera për vrasje dhe shpërthime të kryera në vitin 2005.
