Novak Djokovic prej disa muajsh ka vuajtur një dëmtim dhe ka qenë i detyruar të mos zbresë në asnjë turne për të konkurruar. Duket se ai po përgatitet që të kthehet në grand slemin Australian Open që nis më 15 janar. Tenisti serb është stërvitur në sallën kryesore të “Rod Laver Arena” dhe ka deklaruar se progresi po ecën mirë dhe se ka shumë shanse të jetë në fushë më 15 janar.
“Në stërvitjet e para gjithçka ka shkuar mirë. Jam i privilegjuar që kam patur mundësi të stërvitem në sallën kryesore, duke patur mundësi të testoj veten. Kam muaj që nuk luaj në një turne dhe ndihem në formë, gati për të luajtur. Shpresoj që të mos kem asnjë problem tjetër deri ditën e hënë”, deklaroi Novak Djokovic, që nuk luan prej grand slemit të Wimbledonit.
