Manchester United është duke kaluar një moment mjaft të vështirë dhe shumë shpejt pritet që të ketë disa largime të bujshme nga ekipi. Por askush nuk e kishte menduar që kapiteni do të ishte një ndër të sakrifikuarit.
Antonio Valencias, i cili mban shiritin e kapitenit i mbaron kontrata me “Djajtë e Kuq”. Duket se drejtuesit e klubit kanë vendosur ta përzënë “me stil”, duke mos i rinovuar kontratën mbrojtësit.
33-vjeçari nuk është më në planet e Jose Mourinho, por duket se edhe me largimin e mundshëm të portugezit, gjërat nuk do të ndryshojnë për futbollistin nga Ekuadori.
Për këtë arsye, Valencia ka nisur kërkimin për një klub tjetër, pasi është i lirë që të zgjedhë alternativën që i leverdis më shumë, si lojtar i lirë që është.
