Babë e bir mbetën të plagosur nga krushku i tyre Divjake, pas një konflikti që parapakisht dyshohet se ka qenë për motive banale. Ardian Verdha është arrestuar nga blutë e Divjakës pasi me biçak qëlloi dhe la të plagosur Rober Kurtin me të cilin ka lidhje krushqie dhe djalin e tij 18-vjeç.
Një konflikt banal i nisur mes krushqve, ka përfunduar me dy të plagosur rëndë. Robert Kurti së bashku me djalin e tij 18-vjeç, i cili ndodhet në gjendje të rëndë për jetën, mbetën të plagosur me thikë në Divjakë.
Sipas policisë, autor i ngjarjes së rëndë është shtetasi Ardian Verdha, i cili është vënë në pranga. Sipas policisë, Ardian Verdha, së bashku me krushkun e tij, Robert Kurti, kanë qenë në në plazhin e Divjakës, aty ku kanë nisur një konflikt për motive të dobëta, të cilat ende nuk qartësohen nga policia.
Konflikti ka agravuar deri në përdorimin e një mjeti prehës tip biçak, nga ARdian Verdha, i cili ka qëlluar ERobert Kurtin si dhe djalin e tij 18-vjeçar. Babë e bir kanë mbetur të lënduar, ku mësohet se i riu është dërguar në spitalin e traumës për shkak të plagëve të marra.
Policia ka nisur hetimet për zbardhjen e ngjarjes së rëndë, ndërsa pritet të merren dëshmitë e të lënduarëve dhe autorit të plagosjes.
