Filmi “Dita zë fill” është shpërblyer me çmimin “Golden Sun” në Cinedays Festival of European Film.
Filmi me regji të Gentian Koçit ka korrur sukses, teksa ishte kandidatura zyrtare e Shqipërisë për cmimet “Oscar”, ndërsa u shpall fitues për çmimin “Aktorja më e mirë”, që e mori Ornela Kapetani, në Festivalin Ndërkombëtar të Filmit në Sarajevë.
Ky film flet për një nënë e cila bashkë me foshnjën e saj vendosin të jetojnë me një grua të vjetër dhe të sëmurë.
Filmi “Dita Zë fill” ishte një nga shtatë filmat e përzgjedhur që garuan në Sarajevë.
Ky film është një bashkëprodhim shqiptaro-grek, prodhuar nga ARTALB FILM dhe GRAAL dhe është financuar nga Qendra Kombëtare e Kinematografisë, Qendra Greke e Filmit- EURIMAGES, Ministria e Kulturës, Bashkia e Tiranës e më gjerë.
