Një banesë është pëfshirë nga zjarri në Qesarat të Sarandës. Si pasojë e zjarrit ka humbur jetën 66-vjeçari.
Burime bëjnë me dije se 66-vjeçari ka ndërruar jetë për shkak të asfiksisë.
Mësohet se i moshuari jetonte i vetëm në banesë dhe dyshohet se ai ndërroi jetë pasi është asfiksuar nga tymi.
Njoftimi:
Rreth orës 15:30, në fshatin Qesarat, dyshohet se aksidentalisht ka rënë zjarr në banesën ku jetonte i vetëm shtetasi M. F., 66 vjeç, i cili dyshohet se është asfiksuar nga tymi dhe për pasojë ka ndëruar jetë.
Grupi hetimor po punon për sqarimin e plotë të rrethanave të ngjarjes.
