Do të jetë argjentinasi i Paris Saint Germain, Angel Di Maria, goditja e madhe e zikaltërve të Interit në merkato për sezoni e ardhëm.
Sipas të përditshmes italiane Corriere Dello Sport, thuhet se për Di Marian interesohet edhe Juventusi por Interi është në avantazh krahasuar me bardhezinjtë pasi ka bërë hapa konkretë. Po ashtu shkruhet se shumë shpejtë ndoshta do të zyrtarizohet edhe transferimi i 29-vjeçarit në Milano.
Pasi e provoi veten fillimisht në kampionatin portugez me Benficën ku u konfirmua si një talent i jashtëzakonshëm Di Maria bëri më pas hapin e madh në karrierë me transferimin te Reali i Madridit. Me Los Blancos, Di Maria fitoi gjithcka, duke zgjedhur më pas Manchester United, skuadër tek e cila nuk u përshtat dot dhe qëndroi për vetëm një vit.
Ndërkohë pas 2 sezoneve te Paris Saint Germain në Francë, Di Maria është gati të provojë një aventurë të re në një kampionat tjetër duke zgjedhur Serinë A dhe pikërisht Interin për të vazhduar karrierën.
Kartoni i argjentinasit për të cilin skuadra zikaltër ka mundur jo vetëm konkurencën e Juventusit por edhe atë të Barcelonës do ti kushtojë klubit zikaltër 50 milionë Euro. Futbollisti i përfaqësues argjentinase pritet të firmosë një kontratë 4-vjeçare me Interin, ku mbetet për të përcaktuar vetëm paga që do të përfitojë Di Maria.
