Një 29-vjeçar shqiptar është arrestuar nga policia italiane.
Ai dyshohet se ka dhunuar bashkëshorten e tij duke e goditur me sende të forta në këmbë dhe në pjesën e pasme të kokës. Ngjarja ka ndodhur në prani të fëmijës së tyre 1-vjeçar.
Sipas medieve të huaja, kanë qenë fqinjët që kanë denoncuar rastin, pasi kanë dëgjuar britmat nga banesa e familjes shqiptare.
I riu është kapur në flagrancë nga policia, ndërsa gruaja ishte me foshnjën në krahë.
Ajo është dërguar në spital dhe ndodhet jashtë rrezikut për jetën, ndërsa 29-vjeçari u transferua në burgun e qytetit.
