Gjykata e Dibrës ka caktuar sot masën e sigurisë “arrest me burg” për Darjo Brucin, i cili dhunonte bashkëjetuesen në mënyrë të vazhdueshme dhe u thoshte familjarëve të saj se ka probleme mendore.
Madje 48-vjeçari punësoi dhe një “Sheh”nga Kosova, Kujtim Popajn të cilin e pagoi që t’i “hiqte magjinë” gruas me të cilën bashkëjetonte. Për shkak të dhunës, 33-vjeçarja është shtruar edhe në një spital psikiatrik nga familjarët e saj.
Por dhuna u zbulua pas denoncimit të nënës së 33-vjeçares, ndërsa nën hetim është vënë edhe “Sheh” Kujtim popa, i cili kishte marrë para nga 48-vjeçari me pretendimin për t’i hequr magjinë gruas. Në një video të publikuar nga Policia, shihej duke dhunuar me kaçavidë 33-vjeçaren.
