Unioni Turistik Shqiptar ka reaguar pas vendimit të Gjykatës së Sarandës, për vendosjen në “arrest shtëpie” të autorit që dhunoi biznesmenin Arben Çipa në Sarandë.
Në një njoftim për mediat, Unioni shprehet se, ngjarja që u bë publike në media, përbën një akt të paprecedent, ku dy individët që e sulmuan, nuk kanë marrë ndëshkimin e merituar.
“Komuniteti ynë është i tronditur dhe i alarmuar nga kjo ngjarje e shëmtuar të cilat për fat të keq vazhdojnë të përsëriten pasi këto raste nuk marrin ndëshkimin e merituar nga autoritetet sic ndodhi edhe në rastin konkret të vendimit të Gjykatës së Faktit Sarandë, e cila vendosi arrest shtëpie për njërin nga autorët e arrestuar të ngjarjes.
Përmes kësaj deklarate, ne u bëjmë apel organeve më të larta ligj-zbatuese të reagojnë dhe të mos tolerojnë që raste të tilla të bëhen shkas për të frenuar investimet në sektorin e turizmit dhe të dëmtojnë imazhin e mirë të Shqipërisë turistike”, thuhet ndër të tjera në deklaratën e Unionit Turistik Shqiptar.
Njoftimi i plote
Deklarate publike
Drejtuar :
Inspektoriatit te Larte te Drejtesise
Prokurorit te Pergjitheshem
Drejtorit te Pergjitheshem te Policise se Shtetit
Unioni Turistik Shqiptar,duke marre shkas nga ngjarja e fundit, e dhunimit te Kryetarit te Deges se Unionit Turistik per Saranden z. Arben Çipa, e cila ka tronditur mbare komunitetin e bisnesit te turizmit,po ju drejtojme kete apel publik.
Ndodhia ne fjale, e publikuar ne gjithe spektrin e mediave shqiptare dhe qe vijon te shtoje jehone ne diskutimet publike, perben nje akt te paprecedente te dhunimit te nje biznesmeni te njohur te qytetit te Sarandes nga
dy individe te cilet e kane sulmuar barbarisht me pretendime se po ju shfrytezon pronat te cilat nuk figurojne ne pronesi te tyre, por ashtu sic ndodh rendom ne vendin tone, ku ne pronat e pelqyera nga te fortet e katundit nu lejohet te investonje askush tjeter pervec tyre.
Komuniteti yne eshte i tronditur dhe i alarmuar nga kjo ngjarje e shemtuar te cilat per fat te keq vazhdojne te perseriten pasi keto raste nuk marrin ndeshkimin e merituar nga autoritetet sic ndodhi edhe ne rastin konkret te vendimit te Gjykates se Faktit, Sarande e cila vendosi arrest shtepie per njerin nga autoret e arrestuar te ngjarjes,qe sipas raportimit te mediave personat ne fjale jane edhe me precedente juridik ne te kaluaren.
Permes kesaj dekkarate, ne u bejme apel organeve me te larta ligj-zbatuese te reagojne dhe te mos tolerojne qe raste te tilla te behen shkas per te frenuar investimet ne sektorin e turizmit dhe te demtojne imazhin e mire te Shqiperise turistike.
Me besimin se reagimi juaj nuk do te jete thjesht burokratik, por aktiv institucional dhe rigoroz!
Kryesia e Unionit Turistik Shqiptar
