Nuk janë të pakta rastet kur persona të ndryshëm kanë lënduar veten, ose të tjerët, teksa janë shfaqur “live” në Facebook.
Rasti i fundit ndodhur para një jave, kur një burrë tajlandez transmetoi direkt pamjet duke vrarë vajzën e tij të mitur, para se të vriste veten.
Kështu, themeluesi i Facebook, Mark Zuckerberg, ka menduar të shtojë masat për të shmangur të tilla ngjarje.
Ai tha se rrjeti social Facebook do të punësojë edhe 3 mijë persona në të gjithë botën për të hequr nga ueb-faqja, përmbajtjet e dhunshme, si vrasjet apo vetëvrasjet.
“Kemi parë njerëz që lëndojnë veten ose të tjerët në Facebook, ose “live”, ose në video të postuara më vonë. Është e dhimbshme dhe kam menduar se si mund ta bëjmë më mirë për komunitetin tonë. Duhet të përgjigjemi shpejt”, tha Mark Zuckerberg, duke e çuar në 4500 persona, stafin e monitorimit të faqes.
