Para pak vitesh ishte pjesë e Interit, por u largua si një dështim drejt Valencias. Që atëherë historia ka ndryshuar dhe qendërmbrojtësi kolumbian, Jeison Murillo është rikthyer në një ndër futbollistët më në formë të spanjollëve, duke ngjallur interes të klubeve të mëdha.
Barcelona prej kohësh është në kërkim të një qendërmbrojtësi për shkak të emergjencës në këtë repart nga dëmtimet e gjata të Vermalen e Umtiti. Sipas radios RAC1 klubi katalan e ka gjetur lojtarin që i duhet, sepse ka arritur marrëveshjen me Valencia-n për kolumbianin Jeison Murillo.
Formula e kalimit të tij do ishte nëpërmjet një huazimi të thjeshtë, por katalanasit mund të kërkojnë ta mbajnë 26-vjeçarin edhe për shkak të moshës së re të tij, por për këtë Murillo duhet të bindë drejtuesit.
Murillo së fundi ka qenë në qendër të mediave pasi në përballjen me Juventusin detyroi Ronaldon të ndëshkohej me karton të kuq dhe të shpërthente në lot.
