Të tjera të dhëna janë bërë të ditura lidhur më ngjarjen që tronditi pak ditë më parë Italinë, ku shqiptari Besnik Habibaj, baba i dy fëmijëve ka masakrua me çekiç në parking ish-bashkëshorten e tij.
Besnik Habibaj mbrëmjen e 27 tatorit kishte përndjekur ish-bashkëshorten e tij, Trendelina Halimi, e cila kishte shkuar në diskon Liolà di Montecassiano, të argëtohej në shoqërinë e disa miqve.
Me të dalë nga diskoja, shqiptari kishte qëlluar ish-gruan me një çekiç duke e masakruar në parkingun pranë diskos.
Habibaj u arrestua me akuza për vrasje në tentativë, ndërsa ish-gruaja, Trendelina Halimi, 41 vjeçe, është shtruar në gjendje kome në Spitalin Torrette në Ancona. Thuhet se burri e ka goditur gruan me çekiç në kokë disa herë, duke i shkaktuar gjendje kome.
Avokati i shqiptarit
Sipas avokatit 55-vjeçari ka zgjedhur të mos flasë para hetuesve lidhur me ngjarjen. Nga ana tjetër, ai thotë se nuk mban mend se çfarë ndodhi atë natë. Sipas avokatit te tij: “Klienti im ka çrregullime të rënda psikiatrike që nuk mund të lejojnë qëndrimin e tij në burg. Ai është në depresion dhe për të po kujdesen psikiatrit. Unë kam kërkuar që gjykata të vlerësoje situatën dhe raportin psikologjik dhe nëse është i përshtatshëm masa e arrestit ne burg”.
Si ndodhi ngjarja:
Gruaja kishte shkuar ne një disko me disa mikesha, por shumë shpejt, edhe ish-burri i saj u shfaq në te njëjtën disko. 41-vjeçarja, e shqetësuar se ish-burri mund ta sulmonte, doli nga disko. 55-vjeçari e ndoqi, dhe pasi e ndaloi, në parkingun e diskos, e qëlloi disa herë në kokë me një çekiç që e mori nga bagazhi i makinës.
