Detaje të reja janë mësuar në lidhje me ngjarjen në Astir, ku një vajzë ka kallëzuar në polici se është dhunuar nga disa persona. RENEA hyri në katin e tetë të apartamentit, duke gjetur vajzën vetëm.
Gazetari Igli Celmeta raporton se vajza dyshohet se ka qenë me persona të tjerë, të cilët kishin marrë dy apartamente me qira airbnb, ngjitur me njëri-tjetrin.
Dyshohet se personat e tjerë janë larguar. Pas kontrollit nga policia janë gjetur 2 pistoleta. Vajza që bëri denoncimin është S.Q, 20 vjeçe. Ajo ka punuar si hostes.
Ende nuk dihet kush janë personat që kanë marrë apartamentet me qira
Tiranë/Informacion shtesë
Në vijim të informacionit të dhënë pak më parë, ju informojnë se:
Rreth orës 14:10, u bë hapja e derës së banesës nga Forcat “Renea”, nuk pati probleme.
Shtetasja S.Q, ndodhet nën asistencën e stafit mjekësor. Nga këqyrja paraprake nuk konstatohen shenja të dukshme fizike.
Gjithashtu, gjatë kryerjes së veprimeve të ngutshme hetimore dhe kontrollit të apartamenteve të tjera në pallatin në fjalë, në një banesë tjetër janë gjetur 2 armë zjarri pistoletë. Brenda kësaj banese nuk janë gjetur persona në momentin e kontrollit.
Grupi hetimor po kryen veprimet përkatëse me qëllim zbardhjen e plotë të ngjarjes dhe identifikimin e poseduesit të armëve.
