Ministri serb i Mbrojtjes Aleksandër Vulin thotë se KFOR-i do të mbetet i vetmi formacion ushtarak në Kosovë dhe Metohi. Duke folur në zonën Pasuljanske Livade, ku ka marrë pjesë në stërvitjen e Ushtrisë Serbe (dimër 2017), Vulin shtoi se çdo rezultat tjetër do të përfaqësonte “një problem serioz sigurie për të gjithë rajonin”, shkruan b92.
Duke reaguar ndaj deklaratës së kryeministrit të Kosovës Ramush Haradinaj se “ushtria e Kosovës” do të krijohej “deri në mars”, Vulin kujton se kjo ishte “dëshira e vjetër” e Haradinajt.
“Duke u bazuar në Rezolutën 1244 të KS të OKB-së, është e qartë se e vetmja forcë e armatosur në Kosovë dhe Metohi mund të jetë KFOR-i, dhe ky është qëndrimi i Republikës së Serbisë që nuk do të ndryshojë. Ky është pozita e qeverisë së Republikës të Serbisë, të Kombeve të Bashkuara dhe, më e rëndësishmja, të të gjithë serbëve në Kosovë dhe Metohi, “u tha Vulin gazetarëve, njoftoi Tanjug.
Ministri theksoi se nuk ishte e mundur të formohej “asnjë lloj ushtrie e Kosovës” – përveç “me forcë dhe shkelje brutale të së drejtës ndërkombëtare, duke shkelur Rezolutën 1244, duke shkelur brutalisht vullnetin e Këshillit të Sigurimit të Kombeve të Bashkuara , dhe, natyrisht, të serbëve në Kosovë dhe Metohi”.
“Formimi i ushtrisë së Kosovës jashtë Rezolutës 1244 do të ishte një problem serioz i sigurisë për të gjithë rajonin, krijimin e një lloj forme ushtarake, ku nuk mund të ekzistonte – sepse nuk ekziston një shtet atje – një formacion që do të drejtohej nga njerëz qëllimi i të cilëve është të destabilizohet kjo zonë dhe të ketë konflikte në këtë rajon,” tha Vulin, ku në përfundim të fjalës së tij është shprehur se:
“Edhe një herë, po paralajmëroj që Rezoluta 1244 duhet të respektohet, kjo është pozita e popullit tonë, vendit tonë, presidentit tonë dhe pozitës së ushtrisë sonë, se nuk mund të ketë ushtri në Kosovë, as ndonjë forcë e armatosur përveçse KFOR “. TIRANA TODAY
