Ish-drejtori i Arkivave në Ministrinë e Brendshme, Kastriot Dervishi, tregon gjithë gjendjen e mjeruar të arkivave në institucionet e drejtësisë.
Duke iu referuar rastit të fundit të për dosjet e grumbulluara në Gjykatën e Tiranës, Dervishi saktëson se këto janë probleme të trashëguara prej shumë vitesh dhe nuk lindën sot.
Në një shkrim në profilin e tij në Facebook, Dervishi shpjegon në detaje se si është katandisur arkivi i këtyre institucioneve. Ndërsa thekson se Arkivi i Sistemit të Ministrisë së Punëve të Brendshme është jashtë funksionit.
“Një arkiv tjetër aktualisht jashtë funksionit është Arkivi i Sistemit të Ministrisë së Punëve të Brendshme. Si pasojë e një politike të pashpjegueshme armiqësore ndaj tij, sot ka vetëm një arkivist në punë nga të paktën 40 që duhet të ketë. I gjithë sistemi dokumentar i kësaj ministrie është jashtë loje dhe situata vetëm në sekretari-arkivat e kartotekat e policisë është shumë problematike”, shkruan Derivishi.
