Eduart Dervishaj, zyrtari shqiptar në federatën spanjolle të futbollit i cili më parë ka qenë edhe pjesë e FSHF-së, ne një intervistë pak para ndeshjes që kombëtarja shqiptare do të luajë në Alikante kundër “La Roha-s” ka deklaruar se për të kjo ndeshje do prodhoj shumë emocione.
Dervishaj ka nguruar të shprehë dëshirën e tij për skuadrën fituese, por nuk e ka fshehur se në momentin e himnit zemra e tij do rrahë kuqezi.
Si po e përjetoni sfidën?
“E kam përjetuar si tifoz i Shqipërisë më parë në “Qemal Stafa”, por sot është shumë e vështirë. Kur të luhet himni shqiptar do të jem me Shqipërinë, por në momentin që arbitri do të vërshëllejë fillimin e lojës atëherë do ndryshojë pak puna.”
Situata e vështirë në kombëtaren e Spanjës pas asaj që ka deklaruar Pique për pavarësinë e Katalonjës
“Është situatë e vështirë për trajnerin, por ne si Spanjë do të kalojmë. Unë besoj se futbolli i bashkon njerëzit dhe në një moment kjo do të ndikojë për mirë”, u shpreh ai për “rtsh”.
