Startup-i i ri i Mira Muratit “Thinking Machines Lab”, ka tërhequr vëmendje për pagat jashtëzakonisht të larta që u jep specialistëve të teknologjisë. Raportohet se para lançimit të produkteve, kompania po investon në ndërtimin e një ekipi elitar në fushën e inteligjencës artificiale.
Startup-i shumë i përfolur i inteligjencës artificiale ka shpenzuar shumë para për talentet teknike përpara se të lançojë ndonjë produkt. Raportohet se “Thinking Machines Lab” po u paguan dy anëtarëve të stafit të saj teknik 450,000 dollarë pagë, ndërsa një tjetër po merr 500,000 dollarë. Kurse një punonjës i katërt, i listuar si “bashkëthemelues/specialist i mësimit automatik”, merr 450,000 dollarë në vit.
Të dhënat vijnë nga dosjet federale që kompanitë duhet të plotësojnë kur punësojnë një banor joamerikan me një vizë H-1B, që u lejon atyre të marrin në punë 85,000 punëtorë të specializuar përmes një lotarie vjetore. Meqenëse kompanitë rrallë zbulojnë të dhëna për pagat, shifrat ofrojnë një pamje të rrallë të asaj që kandidatët po fitojnë në këtë treg pune.
Vlerat përfshijnë vetëm pagat bazë, jo bonuset fitimprurëse të hyrjes dhe shpërblimet e kapitalit që shpesh janë vendi ku fitohen shumat e mëdha. Të dhënat thuhet se janë nga tremujori i parë i këtij viti, përpara se Murati të mblidhte 2 miliardë dollarë në financimin fillestar me një vlerësim prej 10 miliardë dollarësh.
