Deputeti demokrat Asllan Dogjani paraqitet në SPAK, lë një dokument dhe largohet
Deputeti i Partisë Demokratike, Asllan Dogjani, është paraqitur sot në ambientet e Prokurorisë së Posaçme Kundër Korrupsionit dhe Krimit të Organizuar (SPAK). Në një deklaratë të shkurtër për mediat para hyrjes në institucion, Dogjani nuk dha detaje mbi arsyen e vizitës së tij, por u shpreh: “A do prisni? Do çoj një dokument”.
Ende nuk dihet nëse deputeti është thirrur nga SPAK në kuadër të ndonjë hetimi apo nëse ai ka dorëzuar ndonjë kallëzim penal për një çështje specifike. Pritet që gjatë orëve në vijim të dalin më shumë detaje lidhur me këtë zhvillim.
Dogjani, i cili ka qenë pjesë e strukturave të sigurisë më parë, është shprehur shpesh në lidhje me çështjet e drejtësisë dhe luftës kundër korrupsionit. Rrjedhimisht, vizita e tij në SPAK ka ngjallur kureshtje nëse ka të bëjë me një denoncim të ri apo është pjesë e një hetimi ekzistues.
