Në zonën bregdetare të Borshit janë raportuar raste shqetësuese të ngacmimeve dhe dhunës seksuale. Dy vajza të moshës 24 vjeç kanë depozituar denoncime ndaj dy burrave për ngacmim gjatë qëndrimit në plazh. Policia e Himarës, përmes specialistëve të Hetimit të Krimeve, ka nisur hetimet dhe ka dërguar materialet në Prokurori për veprime të mëtejshme ndaj dy shtetasve të përfshirë në këto ngjarje.
Njëri prej të dyshuarve, Xh. D., 52 vjeç dhe banues në Tiranë, është akuzuar gjithashtu për ngacmim seksual nga një vajzë tjetër 24-vjeçare në të njëjtën zonë bregdetare.
Hetimet vazhdojnë për zbardhjen e plotë të ngjarjeve dhe marrjen e masave ligjore.
Njoftimi i policisë:
Nga specialistët për Hetimin e Krimeve të Komisariatit të Policisë Himarë u referuan materialet në Prokurori ku nisi procedimi penal për 2 shtetas, konkretisht:
* E. M., 33 vjeç, banues në Vorë, pasi ka kallëzuar një shtetase 24 vjeçe, me pretendimin se gjatë kohës që ka qenë me pushime në plazhin e Borshit, ky shtetas ka kryer marrëdhënie seksuale me të, pa dëshirën e saj;
* Xh. D., 52 vjeç, banues në Tiranë, pasi ka kallëzuar një tjetër shtetase 24 vjeçe, me pretendimin se gjatë kohës që qëndronte në plazhin e Borshit, ky shtetas e ka ngacmuar seksualisht.
