Sulmuesi i Barcelonës, Ousmane Dembele, ka pësuar një tjetër lëndim. Francezi pritet të jetë jashtë fushës për tre ose katër javë, kjo u bë publike nga vet klubi katalunas.
Dembele u transferua verës për një shumë që me bonuse shkon 147 milionë euro dhe menjëherë në fillim të sezonit në shtator u lëndua. Ai u kthye në janar, por fatkeqësisht u lëndua menjëherë në fitoren ndaj Real Sociedadit të dielën.
Dembele pritet të kthehet para takimit me Chelseat në Ligën e Kampionëve që do të luhet në Stamford Bridge. Vlen të theksohet se edhe Andres Iniesta është lënduar dhe nuk do të luajë në ndeshjen e Kupës së Mbretit ndaj Espanyolit. 20-vjeçari ende nuk ka shënuar në La Liga, por ka dhuruar një asistim.
