Në ndeshjen e javës së dytë mes Sevillas dhe Vellarealit e cila përfundoi në barazim pa gola, mbrojtësi Sergio Escudero ka pësuar një dëmtim “horror”. Gjatë një dyluftimi ajror mbrojtësi ka rënë keq në tokë duke nxjerrë krahun e majtë.
Gjatë rënies e gjithë pesha e 28-vjeçarit u lëshua në krahun e tij të majtë, që më pas pësoi një frakturë. Situata u rëndua më shumë, pasi fillimisht asnjë prej lojtarëve në fushë nuk i mori seriozisht britmat e agonisë së spanjollit. Eskuderos do i nevojitet ndërhyrje kirurgjikale dhe koha minimale e rikuperimit është 4 muaj.
