Yerry Mina është përforcimi më i ri në repartin mbrojtës të Barcelonës, i cili deri tani nuk ka pasur shansin që të debutojë. Por lëndimi i Gerard Pique dhe i Thomas Vermalen i jep atij shpresë që të startojë në ndeshjen e Kupës së Mbretit ndaj Valencias.
Mund të jetë momenti i Minas, i cili erdhi në këtë afat kalimtar, që në qendër të luajë së bashku me Samuel Umtitin. Edhe pse Vermalen vazhdon të punojë për tu rikuperuar plotësisht dhe të jetë gati për ndeshjen, ndërsa Pique pas dëmtimit në ndeshjen e fundit me Espanyol do të mungojë për rreth 10 ditë.
Por në rast se dy qendërmbrojtësit nuk do t’ia dalin të jenë gati, shanset që Mina të jetë në formacion do të jenë edhe për ndeshjen e së dielës ku Barcelona do të përballet me Getafe. Shanset shtohen më shumë për këtë sfidë pasi në mungesë do të jetë edhe Umtiti i cili është i suspenduar.
Për të luajtur me Minan në qendër do të zgjidhet ose Sergio Busquets, ose i riu nga akademia David Costas. Barcelona kampionatin pothuajse e ka në dorë dhe vetëm një çudi e madhe mund të bëjë që ata ta humbin atë.
