Kreu i Mundësia, Agron Shehaj deklaroi se e gjithë opozita duhet të merret me çështjen e Belinda Balluku.
Ai tha se opozita teksa të hënën protestoi, ditën tjetër u ulën në një tryezë me Ramën për reformën zgjedhore.
“Arsyet nuk i di. Ata shpërqendrohen nga thelbi. Thelbi është që opozita duhet të jetë në krah të SPK. Këta merrem me gjithçka, nga barazia gjinore, te…Nuk po them që s’do të merremi, por sot duhet të merremi me Belinda Ballukun, se u kap duke vjedhur. Të hënën protestuan, dje u ulën me Edi Ramën në një tryezë për reformën zgjedhore. Reforma zgjedhore nuk është gjë tjetër veçse një mënyrë për të futur duart mbi kushtetutën dhe për të kapur drejtësinë. Ndaj e ka me ngut Rama. Pasi me atë reformë fitoi zgjedhjet para 6 muajsh. Kanë një strategji që nuk shkon në interesin e qytetarëve shqiptarë, kundër korrupsionit dhe ndaj Ballukut. Ne nuk jemi me drejtësinë kur nuk na intereson.”, tha Shehaj.
