Ministri i Punëve të Brendshme Dritan Demiraj zhvilloi sot një takim me përfaqësues të subjekteve elektorale, PS, PD dhe LSI në qarkun e Elbasanit, përkatësisht, Taulant Ballën Edmond Spahon dhe Monika Kryemadhi.
Qëllimi i takimit ishte njohja me pretendimet në lidhje me procesin zgjedhor. Demiraj kërkoi kontributin e tyre në uljen në minimum të tensioneve politike.
Takimet e ministrit Demiraj u zhvilluan në kuadër të takimeve intensive që ai ka zhvilluar ditët e fundit në qarqet e Shqipërisë në funksion të zhvillimit të një procesi të qetë zgjedhor.
Ministri Demiraj udhëzoi Drejtorin Vendor të Policisë së Elbasanit të marrë masa për parandalimin e shit-blerjes së votës, të kontrollit të grupeve kriminale që mund të ndikojnë në procesin elektoral dhe të zbatohet plani i masave për të papriturat. Ministria njofton se ka forca të shtuara policie dhe FNSH, të dislokuara në terren.
