Dhjetëra të ftuar të Domenico Dolce dhe Stefano Gabbana u mblodhën në Milano, për të marrë pjesë në hapjen e ekspozitës me titull “From the Heart to the Hands”, e cila prezanton veshjet dhe aksesorët ikonë të dyshes krijuese. Ngjarja shënonte dyzet vitet e prezencës së tyre në fushën e modës.
Aktorja Demi Moore, 61 vjeç, ishte një nga të ftuarat më magjepsëse në këtë event, ku u shfaq e veshur me një fustan rrjetë me të brendshme të zeza poshtë. Veshja, që natyrisht i përkiste “Dolce & Gabbana-s”, përbëhej nga një fustan maxi me kristale të qëndisura, në nuancë argjendi.
Ajo kompletoi veshjen me një palë sandale të zeza. Zgjedhja e stilit të Demi Moore shfaqi shumë nga elementët klasikë të brandit, të tilla si dekolteja e saj seksi, duke i dhënë një mesazh grave të të gjitha moshave në lidhje me atë që duan të veshin në publik.
Ekspozita në Milano do të zgjasë deri në korrik dhe më pas do të nisë të udhëtojë nëpër botë. Yjet e pranishëm përfshinin Cher, Lupita Nyong’o, Helen Mirren, Isabella Rossellini dhe Naomi Campbell.
