Çështja e demarkacionit të kufirit me Malin e Zi është një çështje më shumë e shpikur se e vërtetë, megjithatë do të ratifikohet në janar.
Kështu është shprehur zv/kryeministri i Kosovës, Enver Hoxhaj gjatë një konference për Ballkanin në Uashtington, organizuar nga Këshilli i Atlantikut.
“Do ta ratifikojmë marrëveshjen e demarkacionit në Kuvend, nuk mendoj se do të bëjmë ndonjë gjë tjetër. Jemi të vetëdijshëm se (demarkacioni) është më shumë çështje e shpikur, sesa një çështje e vërtetë. Duhet të krijojmë konsensus brenda koalicionit qeverisës. Shpresoj se në janar mund të krijojmë momentum për këtë”, është shprehur Enver Hoxhaj para diplomatëve.
Për sa i përket dialogut me Serbinë, Hoxhaj ka thënë se ai duhet të kaluar në fazën finale, gjë që mund të ndodhë në dy vitet e ardhshme dhe më pas të arrihet normalizimi i plotë i marrëdhënieve mes dy shteteve.
