Tabloja e fundit e piktorit italian Leonardo Da Vinçi do të dalë në ankand, i cili nis me vlerën 100 milionë dollarë.
Tabloja quhet “Salvator Mundi” (Shpëtuesi i Botës) dhe do të shitet në New York më 15 nëntor gjatë ankandit të organizuar nga “Christie’s”.
“Salvator Mundi” është një tablo me një finesë ekstreme që përfaqëson Krishtin, e cila ishte konsideruar prej shumë kohësh si një kopje deri kur ekspertët provuan origjinalitetin e saj.
Me përjashtim të “Salvator Mundi”, të gjitha tablotë e tjera të Da Vinçit janë në pronësi të muzeve apo institucioneve.
Para shitjes, tabloja do të udhëtojë në Hong Kong, San Francisko dhe Londër, ku do të jetë e ekspozuar para se të mbërrijë në Nju Jork gjatë ditëve para ankandit.
