Shtohet gjithnjë e më shumë numri i futbollistëve që kalojnë në faza të ndryshme depresioni gjatë karrierës së tyre. Rasti më i njohur është ai i brazilianit Adriano, i cili ndërroi plotësisht pas vdekjes së babait të tij, apo edhe i portierit të Hannover, Robert Enke i cili vrau veten. Edhe mbrojtësi argjentinas, Emanuel Mammana, ka treguar se i është afruar shumë vetëvrasjes në një moment kritik.
“Kur vdiq babai im, kam menduar të heq dorë nga gjithçka. Kisha humbur edhe mamanë time në atë kohë. Mendova të lija futbollin apo edhe të vrisja veten. Desha ta bëja këtë gjë dy herë”, tregoi mbrojtësi i Zenit për “Ole”.
Ishte e vështirë, shumë e vështirë. Kanë qenë 2-3 muaj që më kanë kushtuar shumë. Por pavarësisht dhimbjes, isha i zoti t’ia dilja. River Plate më ndihmoi, e kuptova që familja ime kishte luftuar shumë që të arrija te ky objektiv dhe nuk mund të hiqja dorë. Duhej të realizoja ëndrrën e babait tim që ishte ajo për debutimin në Primera”, tregoi futbollisti i cili u bë pjesë e përfaqësueses argjentinase që në moshën 18-vjeçare, por pastaj humbi shanset që iu dhanë me të pikësrisht se ra nga forma si pasojë e këtij depresioni.
