Profesori Përparim Kabo, mik i ngushtë i Hajrie Rondos, ka publikuar një shkrim prekës për aktoren e ndjerë.
Teksa i ka dhënë lamtumirën në shtëpinë e saj në Himarë, Kabo ka ndarë momente emocionuese, teksa rrëfen fjalët që i ka thënë i shoqi i aktores ku përshkruan çastet e fundit të saj.
“Takova të shoqin Kiçon e ngushëllova dhe mbetëm të përqafuar dhe të përlotur. Me tregoi me hollësi për momentet e fundit…ishte shuajtur në krahët e Kleas, të bijës e paqtë dhe me mendjen e plotë duke bërë si gjest të fundit marjen e dorës të të shoqit Kiços e duke ja puthur…”, shkruan ndër të tjera Kabo.
POSTIMI I PLOTË:
Kjo është shtëpia e Engjëllit Hajrije Rondo në Himarë. Përballë është deti, ullinjt e heshtur dhe një paqe e amshuar. Tek hyra në shtëpi takova burra himariotë të ngrirë, por gjithë respekt. Takova të shoqin Kiçon e ngushëllova dhe mbetëm të përqafuar dhe të përlotur. Me tregoi me hollësi për momentet e fundit…ishte shuajtur në krahët e Kleas, të bijës e paqtë dhe me mendjen e plotë duke bërë si gjest të fundit marjen e dorës të të shoqit Kiços e duke ja puthur.
Në katin e dytë gratë himariote të veshura për zi e mort bënin roje në heshtje…Takova Klean që ka bukurinë e nënës dhe trupin shtatlartë të të atit. U përpoqa të imagjinoja kur më thoshte…Ja te bëhem mirë e të vish te ne në Himare e do kenaqemi…Erdha mike për të përcjellur në udhetimin e fundit. Në dhomë njerëzit flasin me zë të ulët…janë ata që e dinë ç’është jeta e sa vlen e ç’është vdekja e si duhet respektuar…Artist ishte vetem një nga Himara që vite më parë e kishe parë në Estradën e Vlores…Ndoshta artistët janë rruges duke ardhur.. pkabo 10 shtator 2017 Himare…
