Kryetari i Grupit Parlamentar të PS-së, Bledi Çuçi ka folur pas përfundimit të mbledhjes së Konferencës së Kryetarëve.
Ai deklaroi se po punohet për unifikimin e një drafti të përbashkët me opozitën, për rezolutën për Kosovën dhe se më 12 tetor do të mbahet seanca e posaçme ku do të diskutohet për sulmin në veri.
“Të unifikojmë draftet për rezolutën e Kosovës. Kjo është çështje protokollare e parlamentit. Ne nuk kemi rrëzuar interpelancë, kemi bashkuar dy kërkesat për rezolutë me interpelancën, por bashkuam kërkesat”, tha Çuçi.
Më tej, Çuçi foli edhe për debatin për Avokatin e Popullit dhe për propozimet e opozitës, teksa theksoi se kjo çështje nuk është domain i Bashës apo i Bardhit.
“Avokati i Popullit është një çështje që e kemi bërë të qartë qëndrimin që duhet zgjedhur nga propozimet që duhet të vinë nga opozita. Nuk është as domen i Bashës dhe as i bardhit propozimin për Avokatin e Popullit. Ky propozim i takon opozitës në tërësi.”, shtoi ai.
