Ish-banorja e “Big Brother VIP 4”, Arsida Çerpja, ka qenë së fundmi e ftuar në “Vajzë apo djalë”, me Sara Gjordenin. Ajo foli për dy vajzat e saj, por edhe për divorcin.
Ndërkohë në një moment gjatë intervistës, Sara e pyeti edhe në lidhje me eksperiencën e saj në shtëpinë më të famshme në Shqipëri, ku u përmend edhe çështja me G-Banin.
Kujtomë se pas daljes nga BBV 4, Arsida mori shumë vëmendje për shkak se ajo kishte vendosur që të ngrinte një kallëzim ndaj ish-banorit, për ofendim dhe shpifje ndaj saj. Por pas një përballje që patën me njëri-tjetrin gjatë një prime, Çerpja tregoi se nuk do t’a çonte G-Banin në gjyq dhe se e kishte falur.
E pyetur nga Gjordeni për raportin e saj me banorët e BBV 4, Arsida tha se vendosi që të falte G-Banin pasi nuk donte të kishte mllef dhe nuk donte t’i shtonte probleme të tjera jetës së saj. Gjithashtu shtoi se ka raporte të mira me të gjithë, duke qenë se në përgjithësi ajo është shumë diplomatike.
Sara: Si qëndron sot raporti me banorët dhe a ka banorë më të cilët ti nuk komunikon?
Arsida: Me thënë të drejtën eksperienca e shkurtër në “Big Brother” ka qenë si rilindje, sepse kuptova ça force kam brenda meje dhe mjafton pak për t’a nxjerrë. Pas përballjes me G-Banin kam marrë shumë opinione të ndryshme. Nuk e mendoja që të mbroje veten, kërkoje vëmendje. Nuk e kisha kuptuar se në Shqipëri të kërkosh drejtësi do të thotë që kërkon vëmendje.
E kuptova, nuk më interesoi. Por jam shumë e lumtur që u qëndrova besnike dhe autentike vlerave të mia pavarësisht mllefit që mora nga njerëzit. Unë e di që ato vajzat që janë në cepat e Shqipërisë dhe kishin nevojë për të thënë ‘shiko stop, çdo gjë ka limit’, e kanë gjetur veten. Mendoj se e bëra pjesën time.
Pastaj thashë ‘ok, besoj se atë që duhej ta bëja, e bëra’, nuk ka kuptim të mbaj mllef apo t’i shtoj probleme më shumë jetës sime, është ok edhe të falësh, është ok të mbyllësh një kapitull dhe të fillosh një kapitull tjetër.
Kam raporte shumë të mira me banorët. Unë në përgjithësi jam person shumë diplomatik, pavarësisht se në Big tregova një pjesë tjetër timen që ishte pak më luftarake sepse i tillë ishte ambienti. Kam raporte me vajzat, nuk kam probleme dhe dinamika.
Madje edhe G-Bani erdhi më takoi, normalisht nuk jemi shokë të ngushtë por nuk kemi asgjë të lënë pas. Kam raporte me Loredanën, Egli, edhe Gertën e kam takuar. Edhe Rozanën e takova gjate prime-t.
