Kevin De Bruyne mban në ankth Manchester Cityn pasi ka pësuar një dëmtim i cili pritet të jetë mjaft i rëndë dhe ta mbajë atë larg fushave për një kohë të gjatë. Humbja e yllit belg në një moment të tillë do ti sillte shumë probleme Pep Guardiolas, pasi De Bruyne është kthyer në lojtarin më të rëndësishëm të ekipit.
Ai ishte duke punuar në palestër kur ka ndjerë disa shqetësime në gjurin e djathtë dhe dyshohet për këputje ligamenti. 27-vjeçari është dëmtuar edhe njëherë tjetër në gjurin e djathtë dhe në rast se do të konfirmohet këputja e ligamenteve, atëherë Guardiola do të duhet të planifikojë një mungesë prej të paktën 3 muajsh të tij.
Por gjithçka pritet të konfirmohet ditën e nesërme kur belgu do tu nënshtrohet vizitave të detajuara për të përcaktuar shkallën e dëmtimit. Mjekët janë shprehur se rikuperimi i tij nuk do të jetë i lehtë, por nuk kanë dhënë më shumë detaje.
