De Biazi ka bërë “skanerin” e Serisë A, por gjithashtu ish-trajneri i kombëtares sonë ka folur edhe për Serinë B, ku ka përmendur Memushajn. Më pas zbulon edhe një prapaskenë për sa i përket ofertës së marrë nga një kombëtare. Italiani është intervistuar nga “Tuttomercatoweb”.
Nuk ka qenë asnjëherë i mbyllur në termin platonik, por Juventusi ka një ekip dominues për sa i përket cilësisë, eksperiencës dhe forcës. Ka treguar se ka aftësi për tu rinovuar.
Pankina e Gatuzos po lëkundet…
Do të ishte një situatë e parakohshme. Rino duhet të mësohet me këto zëra sepse janë pjesë e futbollit dhe pse janë të shëmtuara. Ka një ekip të mirë por i duhet një mentalitet ndryshe. Milani ka futbollistë me shumë cilësi dhe nuk po bën kampionat negative. Kur ulesh në pankinën e kuqezinjve ka një pritshmëri të veçantë.
Po Torino?
Është ekipi më i mirë i epokës Kairo. Mund të luftojë për të hyrë në Europë. Nuk do të jetë e lehtë por nuk duhen shpërdoruar ndeshje.
Si e shihni Serinë B?
Peskara është një surprizë. Është skuadra që kam ndjekur më shumë nga të gjitha, pasi trajneri Pilo është një mik i mi. Skuadra është e mirë pasi ka lojtarë me cilësi si Memushaj e Brugman. Edhe Palermo ka një grup të mirë dhe është pretendente për tu ngjitur në Seria A.
Oferta për ju?
Kam takuar një federatë, Armeninë, por e refuzova. Kam dëshirë të kthehem me një projekt serioz. Nuk ka rëndësi nëse është klub apo kombëtare, kam marrë telefonata por nuk dua të pranoj ofertën e parë që më vjen.
Ventura ka pranuar ofertën e parë mesa duket…
Mendoj se ishte mundësia e vetme dhe e pranoi menjëherë.
Ai ju kërkoi edhe juve Kievo?
Nuk më kujtohet…(qesh)
