De Biasi ka bërë edhe reagimin e parë pas shkarkimit nga posti i trajnerit nga ekipi i Alaves, vetëm dy muaj pasi ishte emëruar në atë pozicion. Alaves është duke luftuar në fundin e tabelës në La Liga për mbijetesë dhe në ndeshjet që është drejtuar nga italiani, arriti të merrjtë vetëm dy fitore. De Biasi me anë të një statusi në Facebook ka falënderuar të gjithë anëtarët e klubit dhe futbollistët dhe i vetmi pishman ka qenë që nuk pati kohën e duhur për të treguar aftësitë e tij.
“Gjëja e parë që them është: Faleminderit Alaves! Faleminderit futbollistëve që punuan për të ndryshuar dhe faleminderit pjesëtarëve të klubit që kontribuan e kërkuan që situata të përmirësohej. E vetmja keqardhje është se nuk pata kohën e duhur për krijuar një skuadër, me shpirt grupi dhe me identitet tjetër. Faleminderit të gjithë tifozëve të mrekullueshëm bardhekaltër, që përherë i qëndruan pranë skuadrës së tyre. Forca dhe kurajo djem! Forca Alaves!” – shkruan De Biasi.
