Një dasmë e papritur. Aq befasuese sa edhe vetë dhëndri nuk ishte në dijeni për këtë gjë. Kjo histori e çuditshme e publikuar nga “The Sun”, ka të bëjë me Sadio Mane. Burimi ka qenë “Radio Masaique”, direkt nga Tunizia.
Këto zëra të çuditshëm kanë folur për një ndeshje në “Stadio Olimpico” të Sousse-s që duhej të mbyllej me një martesë para 28 mijë shikuesve.
Mane duhej martohej më një vajzë tuniziane. Kjo do të ndodhte 5 janarin e ardhshëm, teka fusha ishte prenotuar nga vetë sulmuesi i Livepool.
Lojtari e ka mohuar këtë gjë në rrjetet sociale, edhe për faktin se dy ditë pas martesës së supozuar, do t’i duhet të jetë në fushë në ndeshjen kundër Wolves në FA Cup: mjaft e vështirë për të rikuperuar në kohë nga qejfet e dasmës.
“Miq, ishte shumë e habitshme ajo që kam lexuar rreth një martese të supozuar që duhet ta organizoj në Sousse, Tunizi. E mohoj plotësisht këtë lajm. Ky informacion është i gabuar dhe i pabazuar. Jam i përqendruar vetëm tek puna”.
Nga ana tjetër, nëse e gjithë kjo do të ishte e vërtetë, Mane do të kishte një kalendar mjaft të ngarkuar në një javë, gjatë së cilës mund t’i duhet të udhëtojë me të vërtetë drejt Afrikës, por për një arsye krejtësisht të ndryshme.
Në fakt, senegalezi është në garë për çmimin “Lojtari Afrikan i Vitit”, që është programuar të jepet në 8 janar. Ndoshta nuk do të martohet, por mund të fitojë një çmim shumë të lakmuar.
