Kjo është dora e Sali Berishës, sot para SPAK, ndërsa lexon deklaratën për letrën që ka dorëzuar në këtë institucion.
Fotografi Armando Babani është fokusuar mbi dorën e tij, dhe siç shihet qartë, poshtë mëngës së xhaketës ndodhet vigoni i serumeve që Berisha merr gjatë ditës, ndërkohë që është në fushatë. Nuk është e sigurt nëse ai është i sëmurë apo nëse merr substanca për energji, por është e qartë që kemi të bëjmë me një vigon për serume.
ULQIZË-Kreu i Partisë Demokratike, Sali Berisha, gjatë një bashkëbisedimi me minatorët në qytetin të Bulqizës, deklaroi se qeveria që ai do të drejtojë pas 11 majit do të miratojë statusin e minatorit brenda 100 ditëve të para të qeverisjes.
Në fjalën e mbajtur përpara minatorëve dhe qytetarëve, Berisha u shpreh se shteti shqiptar ka qenë i padrejtë për dekada ndaj minatorëve, duke mos i shpërblyer asnjëherë për sakrificat e mëdha që kanë bërë në shërbim të ekonomisë kombëtare. Kryedemokrati theksoi se statusi i minatorit do të shoqërohet me një rrogë minimale prej 1 mijë eurosh dhe me pensione më të larta se çdo kategori tjetër në vend.
Sali Berisha: Unë kam biseduar në mënyrë të përsëritur me përfaqësuesit tuaj, me kryetarin e sindikatave, Përparimin, Shaqirin, dhe vij para jush me një koncept të ri. Dhe ky koncept është ky: Shoqëria ka borxh të madh ndaj minatorëve. Siç ka borxh ndaj pronarëve, ndaj të përndjekurve politikë.
Tre janë kategoritë ndaj të cilave shoqëria shqiptare ka detyrime. Dhe u garantoj se vij i vendosur në mënyrë përfundimtare që ndaj këtyre tre kategorive, borxhi të shlyhet. Kjo do të thotë se në 100 ditët e para do firmoset dhe do zbatohet statusi i minatorit. Kjo do të thotë se do parashikohet rrogë minimale 1 mijë euro. Minimalja! Kjo do të thotë se pensionet tuaja do jenë më të lartat në Shqipëri. Në krye! Kjo do të thotë, natyrisht bëj një sqarim këtu, sipërmarrësit ne i përgjigjemi që do detyrohet të lëvizë rrogën nga 800 në 1 mijë e më tutje, ne do i përgjigjemi atij. Ne do e lehtësojmë atë në taksa. Ne do ia ulim taksat atij. Ne do ia shesim energjinë atij nga 18 lekë në 6 lekë. Dhe do bëjmë një gjë shumë të madhe për sipërmarrësin eksportues.
Post navigation
