Prokurorët grekë kanë hapur një hetim për shkakun e zjarreve shkatërruese, ku për pasojë kanë vdekur 79 persona e ka dhjetëra të plagosur. Ndërsa pas tragjedisë dhjetëra persona rezultojnë të zhdukur, ku në mesin e tyre janë edhe dy vajza binjake të një irlandez të sapomartuar.
Anëtarët e familjeve të dëshpëruar kanë postuar në mediat sociale fotografi të të dashurve të tyre, ndërsa zyrtarët e ambulancës kanë thënë se ka pak shpresa për të gjetur persona të mbijetuar.
Shumë prej të vdekurve u gjetën në vendpushimin e Matit, 25 milje në lindje të kryeqytetit, ku ekipet e shpëtimit janë shokuar kur kanë gjetur persona të shkrumbuar rrëzë një shkëmbi. Të tjerë vdiqën duke u përpjekur të iknin në makinat e tyre, ndërsa shumë të tjerë kanë gjetur vdekjen si pasoje e hedhjes ne det.
