Sa herë në studiot televizive shfaqet Antonio Cassano batutat dhe ironitë nuk mungojnë. I ftua në emisionin “Tiki-Taka”, 36-vjeçari me deklaratat e bëra ka vërtetuar edhe njëherë se është unik në llojin e tij. Ai ka kritikuar skuadrën e Milanit për mënyrën e lojës.
“I kam vënë emrin djalit Lionel, në nder të Messit. Uroj që të vijë të Interi, por problemi është se do të duhej shitur e gjithë skuadra për ta bërë një gjë të tillë.
Sipas meje, Interi ka bërë një merkato të mirë, por nëse nuk shënon Icardi, të tjerët nuk shënojnë. Nëse Icardi është me temperaturë dy ditë, ekipi nuk shënon. A jeni të sigurt se Ibra nuk do të vijë? Ndoshta po vjen dhe kërkon një kontratë më të gjatë se 6 muaj, në këtë Serinë A aktuale do të ishte ende vendimtar.
Teknikisht, Higuain është thuajse po aq i fortë sa Suarez. E cilësoj më të fortë se Ikardin, por e shoh të trishtuar. Kush t’ia japë topin te Milani, gjyshi im? Icardi është ndryshe, prek dy herë topin dhe të paktën në njërën shënon”, u shpreh Kasano.
