Thibaut Courtois ka qenë mjaft i lidhur me një kalim tek Real Madrid dhe pritet që shumë shpejt ai të largohet nga Chelsea. Kontrata e tij me “Blutë e Londrës” skadon në qershor të 2019-ës dhe duket se mundësitë për ta rinovuar janë të pakta.
Portieri belg vazhdon të jetë në një formë shumë të lartë dhe ka qenë gjithmonë një ndër zgjedhjet e para të madrilenëve, të cilët kanë edhe një avantazh tjetër për ta pasur belgun në ekip. Courtois gjatë një interviste për Foot Magazine, ka thënë se familja e tij jeton në Madrid, aty ku është edhe zemra e tij.
“Real Madrid? Situata ime është e lidhur me qytetin e Madridit. Dy fëmijët e mijë jetojnë atje me nënën e tyre. Flas me vajzën time çdo ditë në Facetime. Djali është i vogël për të komunikuar ashtu. Sa herë që kam mundësi udhëtojë drejtë Spanjës. Nuk është e lehtë. Po, zemra ime është në Madrid. Është logjike dhe e kuptueshme”, u shpreh Courtois.
Pavarësisht kësaj, Courtois tha se ende nuk ka vendosur rreth të ardhmes dhe për momentin është i fokusuar vetëm në Chelsea.
