Argjentina u kualifikua në finalen e ‘Copa America’-s pasi mundi Kolumbinë në një gjysmëfinale të tensionuar deri tek penalltitë dhe tani ata përballen me Brazilin vendas në finale. Skuadra e drejtuar nga Leo Messi hyn në finalen e ‘Copa America’ për herë të parë që nga 2016-a pasi mundi Kolumbinë 3-2 me penallti në Estadio Nacional de Brasilia në orët e para të mëngjesit të sotëm (me orën europiane).
Ndeshja shkoi deri tek penalltitë pasi asnjë nga skuadrat nuk ishte në gjendje të tregonte epërsi, me kohën e rregullt që përfundoi në barazim 1-1.
Argjentina e kapërceu pengesën duke shënuar tre nga penalltitë e saj, ndërsa Kolumbia shënoi vetëm dy duke “organizuar” kështu një përballje elektirzuese në finale; Argjentinë-Brazil. Pas lojës, Messi shkroi në Instagram: “Krenar dhe i lumtur që i përkas këtij grupi !!! Një tjetër moment historik i arritur … Falënderoj Zotin që vazhdon të më dhurojë këto momente. Le të shkojmë për lavdi”.
