Çmimet e apartamenteve në Shqipëri pritet të vazhdojnë të rriten gjatë vitit 2025.
Faktorë si mungesa e fuqisë punëtore, rritja e kostove të ndërtimit dhe investimet e reja po ndikojnë në këtë trend. Sipas ekspertëve të tregut, rritja vjetore e çmimeve mund të arrijë deri në 15%.
Agjenti imobiliar Armand Shkëmbi, i ftuar në një emision televizv theksoi se çmimet në disa zona të Tiranës janë jashtëzakonisht të larta në krahasim me nivelin e jetesës. Ndër zonat më të shtrenjta mbeten Liqeni, Blloku, Garda dhe Bulevardi.
Nga ana tjetër, Paskuqani po shihet si një mundësi më e përballueshme për blerësit, me çmime që variojnë nga 900 deri në 1000 euro për metër katror, falë aksesit të mirë dhe zhvillimit të infrastrukturës, si Unaza e Madhe.
