Teksa në vendin tonë po hasemi me një mot të paqëndrueshëm, duke na surprizuar me reshjet e shiut, në Slloveni ka ndodhur një gjë e jashtëzakonshme. Në fund të qershorit, Sllovenia është mbuluar nga dëbora dhe kjo është një gjë e pazakontë.
Bredarica, një zonë malore në Alpet Juliane është zgjuar e mbuluar nga bora. Kjo zonë ndodhet 2.541 metra mbi nivelin e detit, megjithatë shtresa e borës nuk është aspak e zakontë në fund të qershorit.
Instituti Hidrometeorologjik i Sllovenisë njoftoi këtë mëngjes se ulja e temperaturave ka sjellë shtresën e dëborës, e cila gjatë natës kishte rënë deri në 5 centimetra.
