Kryeministri i Greqisë, Aleksis Cipras deklaroi se duke pranuar Marrëveshjen e Prespës, e majta greke nuk e ka dorëzuar por e ka shpëtuar trashëgiminë kulturore dhe historike të Maqedonisë greke. Cipras shtoi se pas 25 vjetëve nacionalizëm nga të dyja vendet kanë penguar çdo përpjekje për zgjidhje, ndërsa ata arritën zgjidhje në përfitim të Greqisë, të Maqedonisë greke, të Ballkanit dhe për përfitim të paqes, bashkëpunimit dhe zhvillimit të përbashkët të rajonit.
“Marrëveshja e Prespës i jep fund provokimeve për Maqedoninë antike greke. E mbyll përfundimisht paradoksin dhe irredentizmin e ish-Republikës Jugosllave të Maqedonisë, në mënyrë të qartë, me çka nga këtu edhe më tej do të vendosen edhe në Kushtetutën e vendit fqinj”.
Ai shtoi se kur vendi fqinjë t’i përmbush të gjitha obligimet nga marrëveshja, atëherë ajo të integrohet në organizatat ndërkombëtare dhe në nivel global do të njihet me emrin e ri.
Nga ana tjetër, opozita greke vazhdon të kundërshoj Marrëveshjes e Prespës. Lideri i Demokracisë së Re, Kirjakos Micotakis, në kongresin e kësaj partie ka akuzuar kryeministrin grek se ka ndarë popullin grek dhe se asnjëherë nuk ka tentuar që të krijoj kushte për konsensus nacional për zgjidhjen e çështjes nacionale.
“Prej këtu nga kongresi ynë i 12-të përsërise se Demokracia e Re nuk do të ratifikoj Marrëveshjen e Prespës. As tani dhe as në parlamentin e ardhshëm”.
Micotakis po ashtu, ka kërkuar që të mbahen zgjedhje të menjëhershme dhe popullim me votën e tij të vendos nëse pajtohet ose jo me Marrëveshjen e Prespës.
