“Stamford Bridg” ka dhuruar spektakël në sfidën e luajtur mes Chelsea dhe Romës. Një ndeshje që ka përcjellë shumë emocione dhe gola, pasi u mbyll 3-3. Formacioni i çonte duket superiorë në fillimin e ndeshjes dhe arrin të shënojë dy herë me David Luiz dhe Hazard, por për të shkurtuar diferencën në pjesën e parë mendon Kolarov. Ndërsa pjesa e dytë ka pasur një pasqyrë tjetër, me një Romë që dominon dhe arrin të shënojë dy herë me anë të boshnjakut Edin Dzeko dhe kalon në avantazh italianët. Reagimi është i menjëhershëm nga londinezët, një krosim mjaft i mirë i Pedro nga e djathta ku gjen Hazard në zonë, ky i fundit godet me kokë dhe e dërgon në rrjetë duke shënuar golin e dytë personal dhe të tretin për ekipin. Me këtë barazim Chelsea vazhdon të mbajë vendin e parë me 7 pikë, ndërsa Roma të dytin me 5 pikë.
Juventus vuan shumë përballë Sporting Lisbon, por në fund janë bardhezinjtë që festojnë. Një autogol i Alex Sandro në pjesën e parë ua vështirësoi shumë punën djemve të Alegrit të cilët nuk kërkonin asnjë rezultat tjetër përveç fitores. Pjanic barazon rezultatin në fundin e pjesës së parë me anë të një goditje dënimi perfekte. Pjesa e dytë flet vetëm për italianët por që kanë shumë vështirësi para portës. Në minutën e 84’, Douglas Costa i sapo inkuadruar në lojë, hedh një kros në zonë ku gjen Mandzukic i cili godet me kokë dhe nuk gabon, por ngre në këmbë “Juve Stadio”. Me këtë fitore Juve merr vendin e dytë me 6 pikë, për të ndjekur Barcelonën me pikë të plotë.
Barcelona nga ana tjetër pas një pjese të parë jo të mirë, ku kalon në avantazh falë një autogoli, ndëshkohet edhe me karton të kuq qendërmbrojtësi Pique. Pjesa e dytë fillon ndryshe me një Barcelonë shumë kërkuese dhe që sulmon në çdo moment. Leo Messi nuk mund të mungonte në këtë sfidë, ekzekuton një goditje dënimi afër zonës dhe topi përfundon në fundin e rrjetës. Pak minuta më vonë është Digne që pas një topi të kthyer nga zona godet mjaft port duke depërtuar të gjithë lojtarët në zonë dhe topi shkon në portë. Grekët e Olympiacos zgjohen në fundin e takimit dhe shënojnë një gol me anë të Nikolaou, i cili ishte protagonist tek autogoli i pjesës së parë.
Bayer Munich ka mposhtur me rezultatin 3-0 Celtic, në “Allianz Arena”. Bavarezët dominojnë në rezultat dhe bindin në lojë. Heynckes ka rikthyer harmoninë në ekip dhe të gjithë lojtarët kanë filluar të shprehen si duhet në fushën e lojës. Pas kësaj fitoreje gjermanët renditen të dytët pas PSG në tabelën e klasifikimit.
PSG shijon me një rezultat 4-0 transfertën në Belgjikë përballë Anderlecht. Yjet parisien nuk e kanë diskutuar në asnjë moment fitoren, pasi kanë kaluar në avantazh që në minutën e 3 me Mbappe. Më pas rezultatin e ka dyfishuar Cavani, për tu pasuar nga goli i Neymar nga goditje dënimi. Në fundin e takimit ka shënuar edhe Di Maria. Psg mban vendin e parë në grup me pikë të plota.
Manchester United i gëzohet Rashford në transfertën e Benfikës. Pasi goli i tij ishte vendimtarë për fatin e takimit. Rashford ekzekuton një goditje dënimi nga shumë larg zonës, pasi portieri bën një pozicionim të gabuar vendos të godasë portën dhe ia del të shënojë. United mbanë vendin e parë me pikë të plota në grup.
Basel i taulant Xhakës ka shënuar fitoren e dytë në këtë fazë grupesh në transertën e Moskës përballë CSKA. Ishte mesfushori i Kombëtares shqiptare që shënon golin e parë që në pjesën e parë për ti dhënë avantazhin Basel. Në pjesën e dytë zicerianët kontrollojnë ndeshjen dhe në fundin e takimit dyfishojnë rezultatin me Oberlin, asiston Xhaka. Padyshim taulant Xhaka është njeriu i ndeshjes në këtë sfidë ti fituar nga Basel.
