TIRANE
Me siguri që të gjithë fansat e festivalit të madh “Sunny Hill” do të mërziten pasi të lexojnë këtë artikull. Eventi që bën bashkë shumë yje të muzikës është anuluar për këtë vit dhe do të mbahet vitin e ardhshëm në fundjavën e parë të gushtit.
Ky lajm është bërë i ditur nga vet faqja zyrtare e festivalit, ku thuhet se vendimi u mor për shkak se festivali do të zhvendoset në Bërnicë, që do të jetë “shtëpia” e “Sunny Hill Festival” në vitet në vazhdim.
https://www.instagram.com/p/Cs6ddWAIXz1/?utm_source=ig_embed&ig_rid=a5bed78b-a929-4a26-8045-889112aa0a7d&ig_mid=ED8EAEE8-0127-4F09-B894-3BC8335E2805
Njoftimi i plotë:
“Ne besojmë se nxitimi i procesit të punës do të zvogëlonte cilësinë dhe esencën e asaj që Sunny Hill Festival e përfaqëson. Duke qenë edhe vet fansa të muzikës dhe festivaleve, ne besojmë shumë në ofrimin e përvojës unike dhe të jashtëzakonshme që ne si festival duhet ta ofrojmë. Prandaj, kemi marrë vendimin e vështirë për ta shtyrë edicionin e sivjetmë të Sunny Hill Festival, që t’i japim kohë krijimit të hapësirës së re. Ruani datat për një edicion masiv të Sunny Hill Festival në fundjavën e parë të gushtit 2024.
