Moderatorja e njohur, Roza Lati, është përlotur mbrëmë përpara se të shtrihej për të fjetur.
Ajo ishte ulur në krevatin e saj kur u përlot dhe pranë saj nuk ishte askush. Nuk dihet se pse Roza u përlot, por kujtojmë se ajo ka patur debate të shumta që ditën e parë në shtëpinë e “Big Brother VIP”. Ajo ka debatuar me aktorin e njohur, Julian Deda, por që gjatë spektaklit të së martës thanë se kanë respekt për njeri-tjetrin.
Por jo vetë kaq, pasi Roza ka debatuar edhe me Ledjonën. Në një moment teksa po ziheshin, Ledjona nuk ka dashur që të vazhdojë dhe është larguar duke bërë një veprim me dorë për të nënkuptuar neglizhencë.
Veprim të cilën Roza nuk e ka lejuar dhe më pas e ka prekur në kurriz Ledjonën, e cila menjëherë i është kundërpërgjigjur po me duar.
