1346 – Shpallet Perandoria serbe në kuvendin e pashkëve në Shkup dhe Stephen Urosh IV Dushani (Deçani) kurorëzohet Perandor mbi pjesën më të madhe të Ballkanit. Ky i fundit synonte të merrte Beogradin, Durrësin, Adrianopojën, Selanikun dhe Konstandinopojën. Teksa po përgatiste një kryqëzatë kundër osmanëve, Dushani u sëmur dhe vdiq në Devoll, më 20 dhjetor 1355, si dhe u varros në një manastir afër Prizrenit. Eshtrat e tij u rivarrosën më vonë në Beograd.
1521 – Martin Luter arrin në kuvendin e Vormit, ku klerikët shpresonin që ai të pendohej për mosbindjen ndaj kishës. Ai u prit me entuziazëm në të gjitha qytetet ku kaloi. Kur doli nga kuvendi, ai tha: “Nëse shkrimet e shenjta thjesht nuk arritën të më bindin arsyeshëm, atëherë as unë nuk e pranoj autoritetin e papëve dhe as këshillat e tyre kundërthënëse. Ndërgjegjja ime është skllave e fjalës së Perëndisë, prandaj nuk mund të tërheq asgjë kundër ndërgjegjes apo të pranoj diçka që nuk është as e drejtë dhe as e sigurt. Perëndia më ndihmoftë. Amen! Me ju mbarova punë”. Luter u shkishërua menjëherë, por nuk u arrestua për shkak se i ishte dhënë një leje-kalimi i sigurt për 21 ditë gjatë udhëtimit nëpër territoret e kontrolluara nga Papati.
1705 – Anne, Mbretëresha e Anglisë, shkon në kolegjin Trinity, Kambrixh, Londër dhe nderon me titullin e kalorësit Isak Njutonin. Ky i fundit është personi i parë që merr këtë titull për kontributin në shkencë.
1789 – George Washington niset nga Virxhinia për në New York për ceremoninë e përurimit si president i SHBA-së, ceremoni kjo që u zhvillua më 30 prill.
1844 – Lindi gazetari, autori dhe poeti Anatole France. Ai konsiderohej në kohën e tij si ideali i letërsisë franceze. Anatol France u nderua me Çmimin Nobel në Letërsi më 1921.
1847 – Lindi arkitekti zviceran-austriak Hans Auer. Ai njihet për projektimin e Bundeshaus zviceran, ku Parlamenti dhe Këshilli Federal janë vendosur në Bernë që prej vitit 1902. Auer ishte përfaqësues i rrymës së quajtur “realizmi arkitektonik”, si dhe zhvilloi nocionin e hapësirës arkitektonike si aspekt të rëndësishëm të stilit dhe evolucionit.
1862 – Shfuqizohet skllavëria në Distriktin e Kolumbias, SHBA.
1889 – Lindi Charle Chaplin në Londër të Anglisë. Karriera e tij si aktor filloi kur ishte fëmijë; Kur ishte 24 vjeç u bashkua me kompaninë Keystone (SHBA), me të cilën realizoi mbi 30 filma.
Atij iu mohua hyrja në Amerikë dhe iu refuzua shtetësia amerikane. Chaplin u vendos në Zvicër, më 1952, me gruan e tij të katërt, Oona, vajza e dramaturgut të njohur amerikan Eugene O’Neill. Në vitin 1972, ai u kthye në Shtetet e Bashkuara (këtë herë iu lejua hyrja) për të pranuar një çmim special Oskar; në vitin 1975, Çaplinit iu dha titulli i Kalorësit nga Mbretëresha e Anglisë. Pas dy vitesh, ditën e Krishtlindjeve, Sir Charlie Chaplin vdiq në shtëpinë e tij në Vevey, Zvicër.
1917 – Lenini kthehet në Rusi, pas 10 vitesh në mërgim në Zvicër për të filluar revolucionin bolshevik.
1938 – Britania e Madhe njeh aneksimin italian të Abisinisë.
1939 – Stalini kërkon nga britanikët dhe francezët të nënshkruajnë së bashku me BRSS-në paktin antinazist.
1972 – Apollo 16 niset për në Hënë, në një mision 11 ditor. Në bord ndodheshin astronautët Xhon Jang, Thomas Mattingly dhe Çarls Djuk. Jang dhe Djuk zbritën në jugperëndim të zonës, ku ishte ulur Apollo 11. Astronautët mblodhën rreth 100 kg gurë hënorë, si dhe vendosën në sipërfaqe disa aparate shkencore.
